Qyrǵyzstannan ákelingen kólikterdi zańdastyrýǵa bola ma
NUR-SULTAN. QazAqparat – Qazaqstanda Qyrǵyzstannan ákelingen kólikterdi zańdastyryp alýǵa bola ma? Bul suraqqa OKQ-da ótken baspasóz máslıhatynda QR ІІM Ákimshilik polıtsııa komıteti tóraǵasynyń orynbasary Serik Túsipov jaýap berdi, dep habarlaıdy QazAqparat tilshisi.
«Jalpy eki elden ákelinetin (Qyrǵyzstan men Armenııa) kólikter eki túrli sanatqa jatady. Úkimettiń qaýlysynda tirkeýge jatatyn kólik quraldarynyń sanaty naqty kórsetilgen. Al Qyrǵyzstannan ákelingen avtokólikter zańdastyrýǵa jatpaıdy. Sebebi sheteldik azamattardyń atyna tirkelgen kólikter halyqaralyq qozǵalys rejımine jatady», - dedi ol.
Eske sala ketsek, buǵan deıin Serik Túsipov Qazaqstanda rýli oń jaqta ornalasqan kólikterge nelikten tyıym salynǵanyn túsindirip bergen edi.
