Qyrǵyzstannan 17 mln teńgeniń temekisi kirgizilmek bolǵan
UQK ShQ Jambyl oblysy boıynsha departamenti Memlekettik shekarany qorǵaý boıynsha belsendi sharalar atqaryp jatyr. Atap aıtqanda, 1 mamyrda áskerı qyzmetkerler Qazaqstan aýmaǵynda zańsyz júrgen Pákistan Islam Respýblıkasynyń 4 azamatyn Merke aýylynda ustady. Qylmystyq kodekstiń 392-baby 1-tarmaǵy boıynsha (Qazaqstan Respýblıkasynyń Memlekettik shekarasyn qasaqana zańsyz kesip ótý) sotqa deıingi tergeý bastaldy. Ustalǵandarǵa qatysty «qamaýǵa alý» bultartpas sharasy qoldanyldy.
2 mamyrda «Sypataı batyr» men «Qordaı» avtokóliktik ótkizý pýnkterinde Qyrǵyzstannan 58 myń qorap temeki zattarynyń iri partııasyn Qazaqstanǵa zańsyz ótkizý áreketiniń joly kesildi. Kontrabandalyq taýardyń aldyn ala baǵalaý quny – 17 mln teńge. Tárkilengen júk protsessýaldyq sheshim shyǵarý úshin Jambyl oblysy boıynsha Ekonomıkalyq tergeýler departamentine berildi.
