Qyrǵyzstanmen shekarada barymtashylar 108 múıizdi iri qarany tastaı qashty
ASTANA. 17 shilde. QazAqparat - «Keńes» shekara beketiniń shekaralyq jasaǵy Qyrǵyzstannan Qazaqstan Respýblıkasyna ótkizý kezinde múıizdi iri qaranyń 108 basyn (buqalar) bekettiń sol jaǵynda 10 shaqyrymǵa jýyq jerde «Aspara» shekara beketimen túıisken aýmaqta ustady.
Maldy aıdaǵan úsh salt atty kórshi memlekettiń aýmaǵynda izderin jasyrǵan. Qazir iri qara shekaralyq bekettiń aýmaǵynda, bul oqıǵa boıynsha tergeý jumystary qolǵa alynyp, quqyq qorǵaý organdary qulaqtandyryldy.
