Qyrǵyzstanmen dostyq qatynastardy damyta túsemiz - Elbasy
Búgin Aqordada birqatar shetelderdiń Qazaqstanǵa jańadan taǵaıyndalǵan elshilerinen senim gramotasyn qabyl alý saltanatty sharasynda Elbasy Nursultan Nazarbaev osylaı málim etti, dep habarlaıdy QazAqparat tilshisi.
«Biz memleketter arasyndaǵy saýda-ekonomıkalyq yntymaqtastyqty, dostyq qatynastardy ary qaraı damytýǵa nıettimiz. Qyrǵyz Respýblıkasy Ortalyq Azııadaǵy mańyzdy áriptesimiz ǵana emes, tarıhı tarymyrymyz tereńge jaıylǵan tatý kórshi, baýyrlas memleket bolyp sanalady. Sondyqtan biz Qyrǵyzstanmen dostyqqa jáne ózara túsinistikke negizdelgen strategııalyq áriptestikti damytýǵa aıryqsha kóńil bólemiz», - dedi Memleket basshysy.
Osy orada Prezıdent eki el úkimetteri osy baǵytta tıimdi jumys júrgizip, ekijaqty qarym-qatynastardy jańa belesterge kóteretinine senim bildirdi.
Budan buryn habarlanǵandaı, Memleket basshysyna Aýǵanstan Elshisi Mohammad Frahad Azımı, Qyrǵyzstan Elshisi Jeenbek Kýlýbaev, Lıtva Elshisi Gıntaýtas Vasıýlıs, Iran Elshisi Madjıd Samadzade Saber, Armenııa Elshisi Gagık Galachıan senim gramotasyn tabys etti.
https://kaz.inform.kz/news/kr-prezidenti-shetel-elshilerinen-senim-gramotasyn-kabyldady_a3477093
