Qyrǵyzstanmen birlesken Tótenshe jaǵdaı qaterin azaıtý ortalyǵynda jalaqy qandaı bolady
Aıta keteıik, búgin Senattyń jalpy otyrysynda «Qazaqstan Úkimeti men Tótenshe jaǵdaılar jáne dúleı zilzalalardyń qaýip-qaterin azaıtý jónindegi ortalyq arasyndaǵy Qazaqstan Respýblıkasynyń aýmaǵynda onyń bolý sharttary týraly kelisimdi ratıfıkatsııalaý týraly» Zańy maquldandy.
«Búgin Senatta óte mańyzdy zań maquldandy. 2013 jyldan bastap Almatyda Qyrǵyzstanmen birlese tıisti ortalyq ashylǵan bolatyn. Osy oraıda búgin bul ortalyq jumysynyń mańyzdy tetikterin maquldadyq. ıAǵnı onyń atqaratyn jumysy eskerilgen. Bolashaqta ortalyq jumysy aıasynda basqa da memleketterdi múshe retinde qosý qarastyrylǵan», - dedi senator Gennadıı Shıpovskıh.
Óz kezeginde QR Tótenshe jaǵdaılar birinshi vıtse-mınıstri Ibragım Kúlshimbaev atalǵan ortalyq qyzmetkerleriniń jalaqysy týraly aıtyp berdi. Ortalyq jumysyna Qazaqstannan 5 qyzmetker jáne Qyrǵyzstannan da 5 adam jumyldyrylyp otyr. Bul qyzmetkerler tótenshe jaǵdaılar vedomstvosynyń mamandary arasynan irikteldi. Olardyń ortalyqtaǵy jumysy boıynsha jalaqysy halyqaralyq standarttar aıasynda esepteledi.
«Ortalyqtyń dırektory úsh jyl saıyn aýsyp otyrady. Úsh jyl Qazaqstan jaǵynan jáne kelesi úsh jyl Qyrǵyzstannan saılanady. Dırektordyń jalaqysy 2900 AQSh dollaryn qurasa, qyzmetkerlerdiń aılyǵy 1500-1700 dollar shamasynda. Halyqaralyq uıymdarda ortasha jalaqy osy somada belgilengen», - dedi I. Kúlshimbaev.
Búgin Senatta qaralǵan qujat Tótenshe jaǵdaılar jáne dúleı zilzalalardyń qaýip-qaterin azaıtý jónindegi ortalyqtyń Qazaqstan aýmaǵynda bolýy jáne jumys isteýi máselelerin retteıdi.
