Qyrǵyzstanǵa UQShU-nyń bitimgershilik kúshterin engizý boıynsha qandaı da bir resmı pozıtsııany Qazaqstan bekitken joq - QR SІM
ASTANA. Maýsymnyń 14-i. QazAqparat /Ernur Aqanbaı/ - Qyrǵyzstanǵa Ujymdyq qaýipsizdik sharty uıymynyń bitimgershilik kúshterin engizý boıynsha qandaı da bir resmı pozıtsııany Qazaqstan bekitken joq. Bul týraly búgin Astanadaǵy aptalyq brıfıngte QR Syrtqy ister mnıstrliginiń resmı ókili Asqar Ábdirahmanov málim etti,
dep habarlaıdy QazAqparat.
«Qazirgi ýaqytta bul másele kóptarapty rejimde qarastyrylýda. ıAǵnı, qandaı da bir bekitilgen resmı pozıtsııa joq. Sondyqtan da qazirgi tańda bul boıynsha konsýltatsııalar júrýde», dedi brıfıngte A. Ábdirahmanov.
Onyń aıtýynsha, osy ýaqyttarda Máskeý qalasynda UQShU-ǵa múshe elderdiń Qaýipsizdik keńesteri hatshylyqtarynyń shuǵyl jıyny ótýde. Onda Qyrǵyzstanǵa járdem kórsetý jáne ondaǵy daǵdarysty retteý máselesi boıynsha konsýltatsııalar júrgizilýde. Oǵan Qazaqstan tarapynan QR Qaýipsizdik keńesiniń hatshysy Marat Tájın qatysýda.
