Qyrǵyzstanǵa Shyńǵys Aıtmatov shyǵarmashylyǵynyń brıýsseldik kezeńiniń muraǵaty berildi

ASTANA. QazAqparat - Qyrǵyz Respýblıkasynyń Prezıdenti Almazbek Atambaev búgin, 16 aqpanda Belgııa Koroldigine jumys sapary aıasynda Qyrǵyz Respýblıkasyna uly jazýshy Shyńǵys Aıtmatovtyń shyǵarmashylyǵy boıynsha muraǵattyq materıaldardy berý rásimine qatysty.

Muraǵattyq materıaldardy elge Brıýssel Erkin ýnıversıteti qurmetti professory, Belgııa arheologııasy  Koroldik akademııasynyń múshesi Jan  Blankoff tabys etti, dep habarlady Qyrǵyzstan Prezıdentiniń baspasóz qyzmeti.

Atambaev óz sózinde sharaǵa qatysýshylardy jyly qabyldady jáne oǵan Shyńǵys Aıtmatovqa jaqyn  jáne erli-zaıypty Blankoff sııaqty ony jaqsy biletin adamdar qatysqanyn atap ótti.

    Erli-zaıypty Blankoff sııaqty onyń qasynda bolǵan,  oǵan járdemdesken adamdardyń arqasynda ol bir halyqtyń ǵana emes, ǵalamshardyń jazýshysy atandy», - dedi Almazbek Atambaev, onyń prezıdenttigi kezinde Shyńǵys  Aıtmatovqa eskertkishter, sondaı-aq mavzoleı ashylǵanyn jetkizdi.

Prezıdent Almazbek Atambaev erli-zaıypty Blankoffqa sımvolıkalyq kıiz úı tabys ete kele,  bul otbasyǵa árqashanda kez kelgen qyrǵyz kıiz úıiniń esigi ashyq bolatynyn atap ótti.

Qyrǵyz Respýblıkasyna  Shyńǵys Aıtmatovtyń shyǵarmashylyǵy boıynsha muraǵat materıaldaryn berý týraly resmı qujatqa QR SІM mınıstri Erlan Abdyldaev jáne Brıýssel Erkin ýnıversıtetiniń qurmetti professory, Belgııa arheologııasy Koroldik akademııasynyń múshesi Jan  Blankoff qol qoıdy.