Qyrǵyzstanǵa 20 tonna aýylsharýashylyq ónimi qaıtaryldy

ASTANA. QazAqparat - Osy jyldyń 1 qarashasynda Jambyl oblysy Qordaı aýdanynda karantındik ónimderge (keptirilgen jemister) fıtosanıtarlyq baqylaý júrgizý kezinde qaýipti karantındik nysan - Shyǵys jemis jemiri anyqtaldy, dep habarlaıdy QR AShM baspasóz qyzmeti.

Bul ónimdi Qazaqstanǵa ákele jatqan. 20 tonna kólemindegi júk Qyrǵyzstan Respýblıkasyna qaıtaryldy.

Ótken aıda Qyrǵyz karantındik ónimderi boıynsha ósimdikter karantıni salasynda 107 buzýshylyq faktisi anyqtalsa, onyń ishinde karantıni bar ónimderdi QR aýmaǵyna ákelý boıynsha 41 fakti, EAEO fıtosanıtarlyq talaptaryn saqtamaý boıynsha 66 fakti tirkelgen.

101 fakti boıynsha 995 tonna júk Qyzǵyzstanǵa qaıtaryldy. 295 myń teńge somasynda aıyppul salyndy. Aıyppuldyń jalpy kólemi 700 myń teńge. Qyrǵyzstanǵa 64 notıfıkatsııa baǵyttaldy. Qyrǵyzstan AShM quzyretti organdaryna shara qoldaný týraly eskertý hat joldandy. Ázirge jaýap joq. Sondaı-aq, EAEK-ǵa da hat jiberildi.