Qyrǵyzstanǵa 19 naýryzda Qytaıdan COVID-19 vaktsınasynyń 150 myń dozasy jetkiziledi
BІShKEK. QazAqparat – Qyrǵyzstannyń Respýblıkalyq ımmýndyq aldyn alý ortalyǵynyń dırektory Gúlnara Ishenapysova «Kabar» agenttigindegi baspasóz konferentsııasynda koronavırýs ınfektsııasyna qarsy vaktsınalaý jáne ony uıymdastyrý protsesin uıymdastyrý qajettiligi men mańyzdylyǵy týraly baıandady. Bul týraly QazAqparat Qyrǵyzstannyń «Kabar» aqparat agenttigine silteme jasap habarlaıdy.
Onyń aıtýynsha, Qyrǵyzstanda halyqtyń 70 paıyzyna ekpe salynýy tıis. Damýdyń tómengi deńgeıi retinde Qyrǵyzstan 94 elmen birge COVAX baǵdarlamasyna kirdi.
«Bul baǵdarlamaǵa múshelik aıasynda biz gýmanıtarlyq kómek retinde vaktsınanyń kelýin kúttik. Bizge AstraZeneca vaktsınasy usynyldy. Bul vaktsınalardy alýǵa taǵy basqa kóptegen protsedýralar kirip otyr. Densaýlyq saqtaý mınıstrligi bul máseleni premer-mınıstr deńgeıine kóterip, búginde biz bul kelisimdi úkimetke tapsyrdyq. Úkimetpen birlesip jaýapkershilikti ornatatyn bolamyz. Biz vaktsınany sáýir aıynda kútken edik, biraq Danııada bul vaktsınanyń janama áseriniń oqıǵalary anyqtalǵan soń, onyń resmı qorytyndysynyń shyǵýyn kúttik», - dedi Ishenapysova.
Ol úkimettiń budan basqa kovıdke qarsy vaktsınalardy alý úshin Reseı jáne Qytaımen jumys júrgizip otyrǵanyn atap ótti.
«Gýmanıtarlyq kómek retinde reseılik vaktsınanyń 500 myń dozasy men qazirgi kezde DDU-da tirkeýden ótip jatqan qytaılyq Sinopharm vaktsınasynyń 150 myń dozasyn kútip otyrmyz», - dedi ol.
Onyń atap ótýinshe, birinshi kezeńde ekpe salý pýnkteri Bishkek, Osh, Qant qalalarynda jáne Shý aýdanynyń Sokýlýk aýdanynda ashylady.
