Qyrǵyzstandyqtar jumys istep jatqan zaýyttyń tóbesi qulap, 10 adamdy basyp qaldy
ASTANA. QazAqparat - Reseıdiń Sahalın oblysynyń Paranoısk qalasynda Qyrǵyzstan azamattary jumys istep júrgen burynǵy tsellıýloza-qaǵaz zaýytynyń shatyry men qazandyǵynyń qabyrǵalary qulap tústi. Bul týraly Qabar agenttigi Reseı Federatsııasyndaǵy Qyrǵyzstan Respýblıkasynyń elshiligine silteme jasap.
19 tamyzdaǵy málimetke sáıkes, Paranoıskidegi burynǵy qaǵaz zaýyty qazandyǵynyń ǵımaratyn buzý kezinde tóbesi opyryla qulaǵan. Úıindilerdiń astynda shamamen 10 adam qalǵan.
Reseıdiń Tótenshe jaǵdaılar mınıstrliginiń aldyn ala málimetine sáıkes, úıindilerdiń astynan 8 adam shyǵarylǵan. Olardyń ekeýi kishigirim jaraqattar alyp, 5 adam ártúrli jaraqattarmen aýrýhanaǵa jatqyzyldy. Oqıǵa saldarynan bir adam mert bolyp, denesi máıithanaǵa jetkizilgen. Qaza tapqan adamnyń aty-jóni anyqtalýda.
Zardap shekkenderdiń arasynda Qyrǵyzstan azamattary boldy ma, joq pa - elshilik naqty aıtpaı otyr.
