Qyrǵyzstandyqtar jelide jurtty mıtıngke shyqpaýǵa shaqyryp jatyr
BІShKEK. KABAR-QazAqparat – Qyrǵyzstanda áleýmettik jeli paıdalanýshylary «#My protıv treteı revolıýtsıı» heshtegimen jurtshylyqty mıtıngke shyqpaýǵa shaqyryp jatyr. Bul týraly «QazAqparat» HAA Kabar agenttigine silteme jasap habarlaıdy.
Instagram-nyń ózinde eldegi tolqýlardy toqtatyp, beıbit ómir súrýge shaqyrǵan 500-den astam jazba jarııalandy. Olardyń avtorlary arandatýǵa berilmeýge, áldekimniń jaǵyna shyǵyp, jik-jikke bólinbeýge úndeýde.
Eske sala keteıik, keshe keshkisin burynǵy prezıdent Almazbek Atambaevtyń úıinde kúsh qurylymdary men eks-prezıdenttiń jaqtastary arasynda qaqtyǵys boldy. Sonyń saldarynan 22 jastaǵy arnaıy jasaq ókili qaza taýyp, 40-tan astam adam jaralanǵan.
Zardap shekkenderdiń arasynda Shý oblysy Іshki ister bas basqarmasynyń bastyǵy Samat Qurmanqulov ta bar. Qazir dárigerler onyń ómirin saqtap qalýdyń qamynda.
Aıta ketsek, buǵan deıin Jogorký Kenesh eldiń eks-prezıdentinen qol suqpaýshylyq mártebesin alyp tastaý týraly sheshim qabyldaǵan bolatyn. Atambaevqa qatysty depýtattar tarapynan taǵylǵan aıyptardy zertteý boıynsha arnaıy depýtattyq komıssııa quryldy. Komıssııa jumysynyń nátıjesinde oǵan 6 epızod boıynsha aıyp taǵý sheshimi qabyldandy. Alaıda Bas prokýratýra komıssııanyń jumysyn zań turǵysynan baǵalaı kele, tek bes epızodty qaldyrdy.
