Qyrǵyzstandyqtar oıynshyq tapanshamen Dýbaıdaǵy aıyrbas pýnktin tonaǵan
ASTANA. QazAqparat - Qyrǵyzstandyq qaraqshylar toby oıynshyq tapansha jáne kózden jas aǵyzatyn gazdyń kómegimen Dýbaıdaǵy valıýta aıyrbastaý pýnktin tonaǵan. Bul týraly "Rýsskıe Emıraty" basylymy habarlady.
2015 jyly 13 jeltoqsanda betperde kıgen Qyrǵyzstannyń bes azamaty aıyrbas pýnktine basa-kóktep kirip, oıynshyq tapansha men jas aǵyzǵysh gazdyń kómegimen qyzmetkerler men klıentterge ses kórsetkeni anyqtaldy. Osylaısha top 700 myń dırham (190,5 myń dollar) alyp, BMW kóligi arqyly oqıǵa ornynan izin sýytqan, keıinirek kólikti órtegen.
Tergeýdiń málimetinshe, urlanǵan aqshanyń bir bóligi qylmyskerlerdiń eline jiberilgen. Kóp uzamaı tórt kúdikti ustaldy. Olardyń ekeýi jasaǵan isin moıyndap, 12 myń dırhamǵa (3,2 myń dollar) eskileý avtokólik satyp alǵandaryn málimdedi.
Sotta er adamdar qarýly tonaýdy moıyndamaı, qylmysty bostandyqta júrgen besinshi aıypker josparlaǵanyn jáne otbasylaryn qorqytyp, tonaýǵa qatysýǵa májbúrlegenin aıtýda. Jáne kólik órteý, aıyrbastaý pýnktiniń qyzmetkerleri men klıentterine shabýyl jasaý, tutqynǵa alýda qarsylyq kórsetý men polıtsııaǵa bas salýdy da teriske shyǵardy.
Kelesi sot otyrysy 19 qazanda ótedi.
