Qyrǵyzstandyqtar qytaıdyń «Sinopharm» vaktsınasyn saldyra alady
BІShKEK. Kabar-QazAqparat – Qyrǵyzstandyqtar Qytaıdyń «Sinopharm» vaktsınasyn ala alady, dep habarlaıdy QazAqparat Kabar agenttigine silteme jasap.
Bishkek ımmýnoprofılaktıka ortalyǵynyń meńgerýshisi Býrýl Asylbekovanyń málimdeýinshe, vaktsına eń aldymen vırýsty juqtyrý qaýri joǵary top ókilderine egiledi.
«Degenmen qazirgi epıdemıologııalyq ahýaldy eskere otyryp, vaktsınany alǵysy kelgen azamattardyń barlyǵyna salý týraly sheshim qabyldandy», - dedi ol.
Dárigerdiń aıtýynsha, Bishkekke «Sinopharm» qytaılyq vaktsınasynyń 14 myń dozasy, reseılik Sputnik V vaktsınasynyń 2,5 myń dozasy bólingen.
Eske sala keteıik, 19 naýryz kúni Respýblıkalyq ımmýnoprofılaktıka ortalyǵy arqyly Beijing Institute of Biological Product Co.Ltd óndirgen «Sinopharm» belsendirilmegen vaktsınasynyń 150 myń dozasy alynǵan. Vaktsına 25-28 kún aralyqta eki ret egiledi. Bul vaktsına salynǵannan keıin keri áserler baıqalmaǵan.
Munyń aldynda Qyrǵyzstanǵa «Sputnik V» vaktsınasynyń 20 myń doza alǵashqy toptamasy jetkizildi.
