Qyrǵyzstandyq jigit Bostondaǵy lańkestikti tergeýge kedergi jasaǵan aıybyn moıyndamaq
ASTANA. QazAqparat - AQSh bıliginiń málimetteri boıynsha 2013 jylǵy Bostondaǵy lańkestik aktini tergegen quqyq qorǵaý organdaryna jalǵan aqparat bergen Qyrǵyzstan azamaty Haırýllojon Matanov óziniń aıybyn moıyndamaq. Bul týraly dúısenbi kúni jarııalanǵan sot qujattary aıǵaqtaıdy, dep habarlady TASS.
Prokýratýranyń aqparatyna qaraǵanda, Kýınsı qalasynda (Massachýsets shtaty) qalasynda turatyn jáne taksı júrgizýshisi bolyp jumys jasaıtyn Matanov lańkestikk basty kúdiktiler aǵaıyndy Tamerlan men Djohar Tsarnaevtyń dosy bolǵan.
Tergeýshilerge bergen jaýabynda ol onymen óziniń jaqyn tanys ekenin bildirmegen. Atap aıtqanda, Bostondaǵy jarylystan birneshe saǵat buryn Tsarnaevpen birge tústengenin aıtpaǵan.
Budan buryn Matanov óziniń jalǵan kýálik berip, lańkestik aktini tergeýge kedergi keltirgeni úshin óziniń aıypty ekenin moıyndaýdan bas tartqan. Onyń advokattary ázirge dúısenbide túsken aqparatqa túsinik bergen joq. Óziniń aıybyn moıyndamaq bolǵan jas jigitti sotta tyńdaý kúni ázirge belgilengen joq.
Budan buryn 2013 jylǵy 15 sáýirde Bostonnyń ortalyǵynda marafon máresi mańynda araqashyqtyǵy 12 sekýndtan eki jarylys bolǵany habarlanǵan bolatyn, Úsh adam qaza taýyp, 260-tan astam adam jaralandy. Amerıkandyq bılik bul lańkestik aktilerdi uıymdastyrýshylar jáne oryndaýshylar aǵaıyndy Tsarnaevtar dep sanaıdy.
