Qyrǵyzstandyq temeki ónimderin Qazaqstan arqyly zańsyz ótkizbek boldy

ASTANA. QazAqparat - Qazaqstan men Qyrǵystan shekarasynda qujatsyz iri kólemdegi temeki buıymdaryn ótkizbek bolǵan adamnyń joly kesildi. Bul týraly QR UQK ShQ baspasóz qyzmetiniń málimetinde aıtylǵan, dep habarlaıdy QazAqparat.

«Qordaı shekara otrıady «Qarasý avto» ótkizý beketiniń jasaǵymen Qyrǵyzstannyń 34 jastaǵy azamaty ustaldy. Qyrǵyzstanan Reseıge qaraı «Mersedes-bents» kóligimen baǵyt alǵan bul azamat iri kólemdegi temeki ónimderin alyp ótpek bolǵan. Atap aıtqanda, jalpy salmaǵy 2 200 kelini quraıtyn 76 qapqa salynǵan nasybaı men 45 qorap fıltrli temeki anyqtaldy. Barlyq ónim Tájikstanda óndirilgen», - delingen habarlamada.

Osy oraıda Qordaı aýdanynyń ózara is-qımyl jasaıtyn jáne quqyq qorǵaý organdarynyń ókilderine tıisti aqparat berildi.