Qyrǵyzstandyq «tasshaınar» tisimen 30 jeńil kólikti súıremek
ALMATY. 4 tamyz. QazAqparat - Búgin Bishkekte keshki 19:00-de 36 jastaǵy qyrǵyz alyby Nurlan Álisherov «Ala-Too» alańynda óziniń myqty tisterimen kir tastarymen jáne zilbalǵalarmen «oınaıtyn» bolady.
Onda «tasshaınar» atanyp ketken kóptegen álemdik rekordtardy ornatýshy tisimen 30 jeńil kólikti súıregeli otyr. Bul onyń «Alo-Too» alańyndaǵy alǵashqy kórsetilimi emes. Byltyr ol tisimen 12 tonnalyq avtobýsty 33 metr jerge súırep, 1 mınýtta taqtaıǵa qaǵylǵan 20 shegeni sýyryp, 1 mınýt 33 sekýndta 50 grek jańǵaǵyn shaǵyp, oryndyqta otyrǵan adamdy 120 metr jerge alyp barǵan bolatyn.
Bıyl ol tamyzdyń alǵashqy jeksenbisinde óz shákirtterimen Ystyq kól jaǵasynda óner kórsetken. Al 8 tamyzda Sholpan ata qalasynyń áýejaıynda tisimen 11 tonnalyq «Mı-8» tikushaǵyn 5 metrge súıredi. Sondaı-aq tisimen 255 attyq kúshi bar skýterdi 2 mınýt boıy ustap turyp, álemdik jańa rekordqa qol jetkizdi. Bir búıregi joq 3-toptaǵy múgedek bul jigit byltyr 29 qarashada «Manas» áýejaıynda 24 tonnalyq An-24 ushaǵyn 4 metrge, 37 tonnalyq Tý-134 ushaǵyn 20 sm. jerge súırep jurtty qaıran qaldyrǵan.
