Qyrǵyzstandyq ózin kemsite beretin anasyn óltirip tastady
ASTANA. QazAqparat - Qyrǵyzstannyń Osh qalasynda óziniń 61 jastaǵy anasynyń ólimine kúdikti 39 jastaǵy áıel ustaldy, dep jazady Kabar.
Bul jaıly qalalyq ІІB baspasóz qyzmetiniń habarlaýyna qaraǵanda, 23 tamyz kúni janjal kezinde qyz óz anasynyń sol jaǵynan pyshaqpen urǵan. Jaraqat alǵan áıel kómek suraı kóshege qaraı júgirip, artynsha es-túsinen aırylyp qulaǵan. Qanǵa boıalǵan áıeldi kórgen kórshileri dereý polıtsııa men jedel járdem shaqyrdy. Dárigerler zardap shegýshini aýrýhanaǵa jetkizdi, alaıda ol es jınmastan kóz jumdy.
Qylmys ornyna tergeý toby men qalalyq ІІB qyzmetkerleri keldi. Tıisti saraptama taǵaıyndaldy.
«Sol kúni anam meniń sátsiz, aqylsyz jáne sorly ekendigimdi, meniń eshkimge kerek emestigimdi taǵy qaıtalaı aıta bastady. Osydan keıin ózimdi ustaı almaı, ony pyshaqpen urdym», - delingen kúdiktiniń túsiniktemesinde.
Kúdikti qaıtys bolǵan áıeldiń jalǵyz qyzy.
