Qyrǵyzstandyq-ózbekstandyq shekara ýchaskesindegi daýly jaǵdaı turaqtaldy
BІShKEK. QazAqparat - Qyrǵyzstan Memlekettik shekara qyzmeti baspasóz qyzmetiniń aqparatynsha, Qyrǵyzstan men Ózbekstan shekara qurylymdary qol jetkizilgen kelisimderge sáıkes shekarany kúzetýdiń shtattyq rejımine kóshti.
Búgin jergilikti ýaqytpen tańǵy saǵat 07.45 ózbek taraby Jalalabad oblysy aýmaǵyndaǵy qyrǵyz-ózbek shekara ýchaskesinen áskerı tehnıka men áskerılerin shyǵara bastady.
Jýyrda «Qyzyl-Qııa-avtodorojnyı» (Qyrǵyzstan) ótkizý beketinde Qyrǵyzstan men Ózbekstannyń shekara vedomstvolardyń basshylarynyń kezdesýi ótti. Kezdesýde Qyrǵyzstannyń Memlekettik shekara qyzmetiniń tóraǵasy general-maıor Raıımberdı Dýıshenbıev pen Ózbekstannyń UQQ shekara áskeriniń qolbasshysy general-maıor Rýstam Emınjanov qyrǵyz-ózbek memlekettik shekarasyndaǵy jaǵdaıdy talqylap, ony turaqtandyrý joldaryn qarastyrdy.
