Qyrǵyzstandyq bóten qujatpen Qazaqstanǵa ótpekshi boldy
ASTANA. QazAqparat - Qyrǵyz eliniń azamaty bógde adamnyń tólqujatymen Qazaqstannyń shekarasynan ótpek bolǵan, dep habarlaıdy QazAqparat «Kabar» agenttigine silteme jasap.
Qyrǵyz Respýblıkasy memleketti shekara qyzmetiniń BAQ jáne qoǵammen baılanys bóliminiń málimetinshe, 9 mamyr kúni «Chon-Kapka avtojoly» baqylap-ótkizý beketinde shekarashylar qyrǵyz-qazaq memlekettik shekarasyn bóten tólqujatpen ótýge tyrysqan Qyrǵyzstannyń azamaty ustalǵan.
Tólqujattyq baqylaýdan ótý barysynda 1982 jylǵy Qyrǵyz Respýblıkasynyń azamaty M.R. Qyrǵyzstannyń ózge azamatyna tıesili tólqujatty kórsetken. Tergeý barysynda atalmysh azamat Qazaqstan Respýblıkasyna kirýge tyıym salynǵan tulǵalardyń tiziminde turǵany anyqtaldy.
Ustalǵan adamǵa hattama toltyrylyp ol Qyrǵyz Respýblıkasy Ulttyq qaýipsizdik komıtetiniń aýmaqtyq bólimshesiniń qyzmetkerlerine tapsyryldy.
