Qyrǵyzstandyq bir top bala Qazaqstanǵa demalyp-saýyǵýǵa keldi
BІShKEK-TARAZ. Shildeniń 26-sy. QazAqparat /Evgenıı Novıkov/ - Jeksenbi, shildeniń 25-i kúni Qyrǵyzstannyń Osh jáne Jalalabad oblystarynan Jambyl oblysyna 48 bala demalýǵa jáne saýyǵýǵa keldi.
Qazaqstan, Shanhaı yntymaqtastyq uıymyna tóraǵalyǵynyń aıasynda, Qyrǵyzstannyń ońtústiginde mamyr-maýsym aılarynda bolǵan oqıǵalardy saldarynan zardap shekken balalardy qazaqstandyq taraptyń esebinen qabyldaýǵa nıet bildirgen bolatyn.
Balalar Tarazdan 75 shaqyrym jerdegi Berikqara shatqalynda ornalasqan «Taý samaly» jazǵy saýyqtyrý keshenine jaıǵastyryldy. Olarmen tájirıbeli tárbıeshiler, psıhologtar men dárigerler jumys isteıtin bolady.
Mamandardyń aıtýynsha, bul is-sharanyń negizgi maqsaty - balalardyń densaýlyqtary ońaltý jáne psıhologııalyq saýyqtyrý.
Qyrǵyzstandyq balalardy «Taý samaly» kesheniniń basshylyǵy men onda demalyp jatqan qazaqstandyq balalar ystyq yqylaspen qarsy aldy. Olar Qazaqstanda tamyzdyń 6-syna deıin bolady.
