Qyrǵyzstandaǵy jer silkinisi saldarynan aýrýhananyń úsh bólimshesi qırap qaldy
ASTANA. 23 shilde. QazAqparat - Qyrǵyzstanda jer silkinisi saldarynan qırap qalǵan Batken oblysyndaǵy Qadamjar aýrýhanalarynyń úsh bólimshesi qaıta qalpyna keltirýge jatpaıdy, dep habarlaıdy «24.kg» AA QR Densaýlyq saqtaý mınıstrliginiń baspasóz qyzmetine silteme jasap.
Onyń málimetteri boıynsha, olar aýrýhananyń hırýrgııalyq, bosaný jáne travmatologııalyq bólimsheleri. «Aımaqtyq aýrýhananyń zardap shekken jerlerinen emdelýshiler men medıtsınalyq jabdyqtardy shyǵarý boıynsha shuǵyl sharalar qoldanylyp, ony qalpyna keltirý jumystary úshin qarajat izdestirilýde», - delingen habarlamada.
Budan bólek, memlekettik organnyń aqparaty boıynsha, jer silkinisinen densaýlyq saqtaý salasynyń basqa da mekemeleri zardap shekken. Qazirgi ýaqytta olardyń tizimi naqtylanýda.
