Qyrǵyzstandaǵy jappaı tártipsizdik qurbandary artýda
BІShKEK. Maýsymnyń 12-si. QazAqparat /Evgenıı Novıkov/ - Qyrǵyzstan aýmaǵyndaǵy jappaı tártipsizdik saldarynan zardap shekkenderdiń sany arta túsýde.
Máselen, Bishkekte búgin túnde oryn alǵan jergilikti tártipsizdikter barysynda 27 adam zardap shekti, olardyń arasynda aýyr jaralanǵandar da bar. Zardap shekkenderdiń birqatary alkogoldi ishimdikpen mas kúıinde aýrýhanaǵa jetkizildi.
Sonymen qatar Densaýlyq saqtaý mınıstrliginiń resmı málimetterine sáıkes, Osh qalasynda qaza tapqandardyń sany 50 adamǵa jetip otyr. 663 jaraqat alǵan azamat medıtsınalyq kómekke júginse, 429 adam aýrýhanaǵa jatqyzylǵan.
