Qyrǵyzstandaǵy jalaqynyń ortasha mólsheri 145 AQSh dollaryn qurady
BІShKEK. 8 aqpan. QazAqparat /Arnur Rahymbekov/ - Qyrǵyzstan ulttyq statıstıkalyq komıtetiniń málimetterine sáıkes, 2011 jyldyń qańtar-qarasha aılary boıynsha qyrǵyzstandyq azamattyń ortasha aılyq jalaqysy 6 myń 683 somdy (shamamen 145 AQSh dollaryn) qurady.
Vedomstvo málimetteri boıynsha, turǵyndardyń eń joǵary jalaqylary Bishkek qalasynda, al eń tómen - respýblıkanyń ońtústigindegi Osh qalasynda tirkelgen. Barlyq aımaqtardan tek Bishkekte ǵana ortasha aılyq jalaqy respýblıkalyq deńgeıden 1,4 esege asyryp, 12 032 somdy qurady. Onyń naqty ósimi - 104, 8 paıyz. Osh qalasynda ortasha aılyq jalaqy 8 055 som (175 AQSh dollary) deńgeıinde qalyptasty, ótken jyldyń 11 aıy boıynsha naqty ósim 102,6 paıyzdy qurady.
