Qyrǵyzstandaǵy jaǵdaılarǵa baılanysty azamattardyń elimizdiń shekarasy arqyly údere kóshýi baıqalmaıdy - vıtse-mınıstr
ASTANA. Mamyrdyń 4-i. QazAqparat /Aıdar Ospanalıev/ - Qyrǵyzstandaǵy jaǵdaılarǵa baılanysty elimizdiń aımaǵynan ótpek bolǵan nemese bosqyn mártebesin suraǵan azamattar sanynyń kúrt artý jaǵdaıy oryn alǵan joq.
Bul týraly búgin «Bosqyndar týraly» zańǵa baılanysty jýrnalıstermen arnaıy kezdesken Eńbek jáne halyqty áleýmettik qorǵaý vıtse-mınıstri Birjan Nurymbetov málim etti, dep habarlaıdy QazAqparat.
Onyń sózine qaraǵanda, Qazaqstannyń «Bosqyndar týraly» zańynda qandaı azamattardyń bosqyn bolyp tabylatyndyǵy tolyq kórsetilgen. «Naqtyraq aıtatyn bolsaq, atalmysh qujat talaptary boıynsha, bosqyndar dep násildik, ulttyq, azamattyq, dinı jáne saıası kózqarasy boıynsha, sondaı-aq belgili bir áleýmettik toptarǵa qatystylyǵy boıynsha qýdalanyp, sonyń saldarynan ózge eldiń aımaǵynda bolyp, óz eli tarapynan qorǵala almaıtyn azamattar tanylady. Eger elimizdiń shekarasynda sheteldik azamattar kóptep kelip, alaıda olardyń mártebesi zańda kórsetilgen talaptarǵa saı kelmeıtin bolsa, kóship-qonýshylar bolyp eseptelip, olarǵa degen talap jalpyǵa birdeı mıgratsııalyq zańnamalar negizinde qoıylady. Alaıda búgin bizdiń shekaramyzda eshqandaı da sheteldikterdiń údere kóshý úderisi baıqalmaıdy», dedi vıtse-mınıstr.
