Qyrǵyzstandaǵy jaǵdaıdy baıqaý mıssııasynyń aıasyndaǵy Bishkektegi kezdesýler
STANA. Sáýirdiń 14-i. QazAqparat - Qyrǵyzstandaǵy jaǵdaıdy baıqaý mıssııasynyń aıasynda 10-13 sáýirde Bishkekte Parlament Májilisi Tóraǵasynyń orynbasary, EQYU-nyń Іs basyndaǵy Tóraǵasynyń Arnaıy ýákili Jánibek Káribjanovtyń qatysýymen jáne Senat depýtaty, EQYU Parlamenttik Assambleıasy Prezıdentiniń Arnaıy ókili Ádil Ahmetovtiń BUU ýákili ıA.Kýbıshpen, Eýropalyq Odaqtyń ýákili P.Morrelmen, UQShU ýákili V.Semerıkovpen kezdesýleri boldy,
dep habarlaıdy Senattyń baspasóz qyzmeti.
Eldegi turaqtylyqty nyǵaıtý jónindegi taraptardyń odan ári is-qımylyn úılestirýge qatysty máselelerdi talqylaý nátıjeleri boıynsha ótkir máselelerdi sheshýge jan-jaqty járdemdesýge ázirlikterin bildirdi.
Sol kúni Á.Ahmetov ýaqytsha úkimet basshylarymen, taratylǵan Parlament depýtattarymen, belgili qoǵam qaıratkerlerimen, úkimettik emes uıymdardyń, Qyrǵyz Respýblıkasynda tirkelgen dıplomatııalyq mıssııalardyń, halyqaralyq qarjy uıymdary men ınstıtýttarynyń ókilderimen bolǵan kezdesýlerge qatysty.
Kezdesý barysynda saıası ahýal jáne qaýipsizdik salasyndaǵy jaǵdaılar, oǵan qosa qoǵamdyq qaýipsizdikti qamtamasyz etý jáne ýaqytsha úkimet jaǵdaıyn zańdastyrý máseleleri talqylandy.
Jaqyn arada jáne aldaǵy ýaqytta Qyrǵyzstandaǵy turaqtylyq pen qaýipsizdikti qalpyna keltirý úderisterindegi EQYU róli quqyqtyq kómek berý, saılaý zańdaryn jetildirý, saılaýdy ótkizý, Qyrǵyzstandaǵy halyqaralyq jobalar men baǵdarlamalardy odan ári júzege asyrýǵa járdem berýmen sıpattalatyn bolady.
EQYU eldegi jaǵdaıdy odan ári turaqtandyrýǵa bar kúsh-jigerin salýda, halyq jasaqshylaryna qarjylaı kómek kórsetildi.
17-19 sáýirde Arnaıy ókil Qyrǵyzstandaǵy jaǵdaı boıynsha Venada EQYU PA Bıýrosynda baıandama jasaıdy.
Á.Ahmetov 2009 jylǵy maýsymnan bastap EQYU Іs basyndaǵy Tóraǵasynyń musylmandarǵa qatysty tózbeýshilik jáne kemsitýshilikpen kúres jónindegi Jeke ókili qyzmetin qosa atqarady.
