Qyrǵyzstandaǵy jaǵdaı ultaralyq kelispeýshilikterden emes, syrttan uıymdastyrylǵan is-áreketterdiń saldarynan boldy - Islam Karımov
TAShKENT. Maýsymnyń 21-i. QazAqparat /Qurmat Samarhan/ - Qyrǵyzstandaǵy jaǵdaı ultaralyq kelispeýshilikterden emes, syrttan uıymdastyrylǵan is-áreketterdiń saldarynan boldy,
dep málimdedi juma, maýsymnyń 18-i kúni Buhar oblysyna jasaǵan sapary barysynda Ózbekstan Prezıdenti Islam Karımov. Bul týraly Ózbekstan Respýblıkasy Syrtqy ister mınıstrligi janyndaǵy «Jahon» aqparat agenttigi habarlady.
Ózbekstan Prezıdenti Qyrǵyzstannyń ońtústik aımaǵyndaǵy tártipsizdikter qyrǵyz jáne ózbek ulty toptarynyń qaqtyǵysýynan boldy dep sanamaıdy.
«Men mundaı pikirlerge tolyǵymen qarsymyn. Buǵan ózbekter de, qyrǵyzdar da kináli emes. Bul - syrttan uıymdastyrylyp otyrǵan búlik salý áreketi», - dep túsindirdi I.Karımov.
«Bul oqıǵalar týraly aıtý aýyr. Jazyqsyz adamdardyń, balalar men aıaǵy aýyr áıelderdiń ólimi - qatigezdik pen jabaıylyq. Men bul qylmystardyń tamyry janshylyp, zań boıynsha jazalanady dep úmittenemin», - dep atap ótti ol.
«Biz uly halyqpyz, ǵasyrlar boıy kórshilis turǵan qyrǵyz halqymen ortaq til tabysyp, óz máselelerimizdi jaýapkershilikpen sheshe alamyz», - dep aıaqtady óz sózin I.Karımov.
