Qyrǵyzstandaǵy Ýaqytsha úkimet Ystyqkóldegi Qazaqstanǵa tıesili 4 pansıonatty memleket ıeligine qaıtarmaq - respýblıkalyq basylymdarǵa sholý

***

«Bıylǵy jyl Úkimet úshin qarbalasy kóp sharýamen bastaldy. Jyl basynan bastap, Reseı jáne Belarýs elderimen birigip, Keden Odaǵynyń qurylýyna baılanysty onyń tıisti tetikterin, quqyqtyq bazasyn qamtamasyz etý baǵytynda kóptegen jumystar júrgizildi. Keden Odaǵy qurylǵan soń onda ár eldiń ózindik ulttyq múddesi bolatyndyǵy belgili. Qazaqstan múddeni qorǵaý úshin aýyr kelissózder júrgizýge de týra keldi. Bir qýanyshtysy, osy baǵytta júrgizilgen kelissózder barysynda elimizdiń ulttyq múddesi artyǵymen qorǵaldy dep aıtýǵa bolady», dep jazady «Egemen Qazaqstan» basylymy búgingi sanynda. «Bes aıdyń bıik belesi» atty taqyryppen shyqqan maqaladan úkimettiń osy ýaqytta atqaryp jatqan sharýalary men bolashaq josparlary, Kedendik Odaq aıasyndaǵy jumystar men elimizdiń aımaqtaryna sapary jónindegi mol maǵlumattardan qanyǵasyz.

Sondaı-aq osy basylym Ertistegi Kerekýdiń - Respýblıkadaǵy ekonomıkalyq áleýeti jaǵynan aldyńǵy oryndardyń birindegi áleýetti ındýstrııalyq ortalyq ekendigin, osyǵan qaraı mundaǵy kómir, munaı óńdeý, mashına jasaý jáne energetıkalyq salalar egemen elimizdiń órkendeýine salmaqty úlesin qosyp jatqandyǵyn aıtady. «Pavlodar oblysynda Qazaqstan kómiriniń 60 paıyzdan astamy, eldegi búkil alıýmınıı jáne elektr qýatynyń 40 paıyzy óndiriledi. Jaqyn jyldarda Qazaqstannyń strategııalyq josparynda júzdegen kásiporyndar salý mejelense, onyń 42 nysany Pavlodar oblysynda iske qosylady» dep jazady basylym «Keleshegi kemel Kereký» atty maqalada.

***

«Qyrǵyzstannyń Osh jáne Jalalabad oblystary úshin eń ózekti másele gýmanıtarlyq kómek problemasy bolyp otyr. Reseılik aqparattyq saıttardyń habarlaýynsha, qalalarda áli de oqta -tekte oq atylyp jatqan soń, adamdar kóshege shyǵýǵa qorqyp, óz úılerine tyǵylǵan. Qıratylyp tonalǵan dúkender men bazarlar isten shyqqan. Osy oraıda kóptegen kórshiles elder gýmanıtarlyq kómek jetkizýdi jalǵastyryp keledi», dep jazady «Aıqyn» basylymy «Alańdaýshylyq áli de bar» atty maqalada. Onda maqala avtory Qazaqstan EQYU-ǵa tóraǵa retinde osy elge kómek qolyn sozyp otyrǵanyna qaramastan Qyrǵyzstanda qazaq bıznesine qatysty daýly másele kóterilip otyr. ıAǵnı Qyrǵyzstandaǵy Ýaqytsha úkimet Ystyqkóldegi Qazaqstanǵa tıesili 4 pansıonatty memleket ıeligine qaıtarý qajet dep sanaıdy.

Atalmysh basylym sonymen qatar «Jeke áýe kólikterimen kókte qalyqtaýǵa ańsary aýǵan azamattarǵa áli de bolsa biraz armandaı turýlaryna týra keledi. Sebebi senatorlar «Keıbir zańnamalyq aktilerge avıatsııa máseleleri boıynsha ózgerister men tolyqtyrýlar engizý týraly» zańynyń jobasyn tómengi palataǵa qaıta qaıtardy», dep jazady «Qos shatyrly Parlament jazǵy demalysqa ketýge qamdanyp jatyr», atty maqalady. Onda maqala avtory Qazaqstan azamattarynyń «temir tulpardan» «temir qyranǵa» kóshý ıdeıasyn birinshi vıtse-premer Ómirzaq Shókeevtiń engizgendigin aıtady. Afrıkaǵa baryp kelgen Ómirzaq Estaıuly afrıkalyqtardyń eldi mekender arasynda jeńil ushaqtarmen qatynaıtyndyǵyna kýá bolyp, elge kele sala ony osynda da iske asyrýǵa kirisken. Bul usynys úkimet tarapynan qoldaý taýyp, daıyn turǵan salalyq zań jobasyna bap túrinde engizilip, Parlamentke jol tartqan.

***
«QazMunaıGaz» ulttyq kompanııasynyń Munaı jáne munaı ónimderiniń marketıngi departamentiniń dırektory Serik Baıseksenov Kedendik Odaqtyń qurylýyna baılanysty janar-jaǵar maı baǵasy Qazaqstanda 10-15 paıyzǵa kóterilýi múmkindigin aıtady. Onyń sózine qaraǵanda, Qazaqstan men Reseı arasyndaǵy bólshek saýdadaǵy janar-jaǵar maı baǵasynyń aıyrmashylyǵy qazir ortasha eseppen 20-25 teńge bolady. Buǵan qatysty máseleni Kedendik Odaq elderiniń salyq zańnamalaryn úılestirý arqyly sheshýge bolatynyn alǵa tartqan ulttyq kompanııanyń ókili Danııar Tıesov bylaı dep otyr: Naryq ózinshe retteıdi ǵoı, al men Reseıde baǵany belgili bir mólsherde arzandatyp, al Qazaqstanda sonsha mólsherge kóterý arqyly baǵalardy úılestirýge bolady dep oılaımyn», deıdi» dep jazady «Alash aınasy» basylymy. Munaı , gaz salasy men janar-jaǵarmaıǵa qatysty máseleler jóninde tolyǵyraq bilgińiz kelse, «Alash aınasynyń» búgingi sanyndaǵy «Munaı óńdeýdiń óńi qashyp tur ma ?», atty taqyrypta jarııalanǵan maqalany oqyńyz.

Sondaı-aq osy basylym keshe Qyrǵyzstannyń Ýaqytsha úkimeti tóraǵasynyń orynbasary, prokýratýra jáne sot isteri jónindegi úılestirýshi Ázimbek Beknazarovtyń eger Ulybrıtanııaǵa Maksım Bakıevti elge qaıtarmasa, AQSh-tyń Manastaǵy tranzıttik tasymal ortalyǵyn elden shyǵaratynyn málimdep, eki elge ýltımatým qoıǵandyǵyn jazady. «Ulybrıtanııada Maksım Bakıev ustaldy ma, álde óz betimen qolǵa tústi me - sony aıqyndaý kerek», degen ol Bakıevtiń jaıy Pýtınniń ýysyna túspeı qoıǵan Berezovskııdiń varıantyna uqsap ketýi múmkin dep esepteıdi», dep jazady.

***

Aldaǵy jeksenbide elimizdiń medıtsına salasynyń mamandary ózderiniń kásibı merkelerin atap ótedi. Osyǵan qaraı «Lıter» basylymy búgingi sanynda osy sala mamandarymen suhbat uıymdastyrypty. «Medıker» medıtsınalyq qyzmet kórsetý kompanııasynyń Bas dırektory Gúljan Sadyrbaeva aldaǵy ýaqytta ózi basqaratyn kompanııanyń jeke medıtsınalyq ortalyqtar salý máselesin josparlap otyrǵandyǵyn aıtady. «Qazirgi tańda kompanııa quzyryndaǵy mundaı jeke ortalyqtar sany 2-ý. Birinshisi Almatyda, ekinshisi Jańaózende. Al jyldyń sońyna deıin atalmysh ortalyqtar Astana men atyraýda da ashylmaq. Astanalyq analardyń qýanyshyna oraı, bizdiń kompanııa jańa pedıatrııa bólimin ashady», deıdi

Bas dırektory. Elimizdiń medıtsına salasyna qatysty túıtkildi máseleler jóninde bilgińiz kelse, «Lıter» basylymynyń búgingi sanyndaǵy «Neslýchaınye lıýdı» atty maqalany oqyńyz.

***

«Kazahstanskaıa pravda» basylymynyń habarlaýynsha, maýsym elimizdiń aımaqtary úshin údetilgen ındýstrııalyq-ınnovatsıalyq baǵdarlama aıasynda jańa óndiris oshaqtary kóptep iske qosylǵan aı bolyp otyr. Bul elde ónerkásip salasynyń damyp otyrǵandyǵynyń ǵana emes, jańa jumys oryndarynyń ashylyp, jalpy el ekonomıkasynyń damyp otyrǵandyǵynń kórsetkishi. «Mysaly Aqtóbe oblysynda «Ramazan» JShS-i qus fabrıkasy men ammonıt óndiretin tseh «Nıtrohım» JShS-i sııaqty barlyǵy 4 joba iske qosyldy. Aı sońyna deıin oblysta taǵy 8 mańyzdy nysan iske qosylady. Sonyń arqasynda alǵashqy jartyjyldyqta quny 55,8 mıllıard teńgeni quraıtyn 12 iri óndiris oshaǵy jumys isteı bastaıdy. Óz kezeginde atalmysh sharalar aımaqta 2 myń jańa jumys ornynyń ashylýyna túrtki bolady dep kútilýde», dep jazady basylym «Proryvnye proekty v srokı» atty maqalada.