Qyrǵyzstandaǵy Túrki keńesi sammıti joǵary deńgeıde ótti - Asqar Ýmarov

BІShKEK. QazAqparat - Ystyqkól jaǵasynda Túrki elderi yntymaqtastyq keńesiniń kezekti sammıti joǵary deńgeıde ótti. Bul týraly TMD aqparattyq keńesiniń otyrysynda Kabar agenttigine «QazAqparat» HAA bas dırektory Asqar Ýmarov málimdedi.

Ol Qyrǵyzstan Prezıdenti Sooronbaı Jeenbekov sammıtti óte joǵary deńgeıde ótkizgenin atap kórsetti.

«Bul Qyrǵyz Respýblıkasynyń kemeldene túskenin kórsetti, sammıt tamasha ótti. Biz oqyrmandarymyzdy qarqyndy damyp kele jatqan Qyrǵyzstandaǵy protsestermen tanystyrý úshin kóptegen materıaldar ázirledik», - deıdi Asqar Ýmarov.

Ol Qazaqstan Prezıdenti Nursultan Nazarbaev baýyrlas Qyrǵyzstanǵa erekshe nazar aýdaratynyn tilge tıek etti. A. Ýmarov qazaqstandyqtar Qyrǵyzstanmen ózara baılanystardyń damýyna úlken mán beretinin aıta kele: «Qazaqstan Prezıdenti Nursultan Nazarbaev Qyrǵyzstanǵa baýyrlas el retinde qaraıdy. Ol Qyrǵyzstan Prezıdenti Sooronbaı Jeenbekovpen meılinshe jaqsy, baýyrlyq qatynastaryn ornatqan», - dedi.

«Búgingi tańda álemniń 140 eline habar taratatyn «Qazaq.TV» telearnasynda qyrǵyz tilindegi baǵdarlama bar, bizdiń menshikti tilshilerimiz Bishkekte qyzmet etip júr. Biz Qyrǵyzstan Ortalyq Azııa óńirinde mańyzy zor el dep sanaımyz, sondyqtan da kóptegen BAQ-tyń munda menshikti tilshisi bolýy qajet dep sanaıdy», - dedi Asqar Ýmarov.