Qyrǵyzstandaǵy tártipsizdikterdiń saldarynan qaza tapqandardyń sany 170 adamǵa jetti
ASTANA. Maýsymnyń 15-i. QazAqparat - Qyrǵyzstannyń ońtústigindegi tártipsizdik qurbandarynyń sany artyp keledi. Respýblıkanyń densaýlyq saqtaý mınıstrligi 170 adamnyń qaza tapqandyǵyn,
myń jarymnan astam adamnyń jaraqat alǵandyǵyn málim etti, dep habarlaıdy RBK agenttigi.
Sonymen qatar, belgisiz qaraqshylar Osh qalasyndaǵy Tótenshe jaǵdaılar mınıstrligi ǵımaratyn basyp almaq bolǵan. Alaıda vedomstvo qyzmetkerleri shabýyldy toqtatyp, gýmanıtarlyq kómek tıelgen júkti alyp qalǵan.
Qyrǵyzstanda bolyp jatqan oqıǵany BUU Qaýipsizdik keńesi talqylady. Ol qantógisti toqtatyp, gýmanıtarlyq kómek jetkizý úshin dáliz jasaýǵa shaqyrdy.
Jalalabad oblysynyń komendanty jáne Ulttyq qaýipsizdik qyzmeti basshysynyń birinishi orynbasary Qubat Baıbolov burynyraq tártipsizdikterge arnaıy daıyndalǵan Tájikstan azamattarynyń qatysy bar ekenin aıtqan bolatyn.
«Bul taǵdyrdyń jazýymen ómir súrýge qajetti quraldardan aıyrylyp qalǵan Tájikstan azamattarynyń arnaıy daıyndalǵan toby. Olardy bılikten alastatylǵan Bákıevtiń otbasyna jaqyn adamdar jaldap otyr. Bizde bultartpas dálelder men ustalǵandar kinásin moıyndap otyrǵan aıǵaqtar bar», - dedi Q.Baıbolov.
