Qyrǵyzstandaǵy tártipsizdik qurbandary 191 adamǵa jetti
ASTANA. Maýsymnyń 17-si. QazAqparat - Resmı málimetter boıynsha Qyrǵyzstannyń ońtústiginde bolyp jatqan tártipsizdik qurbandarynyń sany 191 adamǵa jetti.
Bul týraly 24.kg. agenttigi habarlady. 1,7 myńnan astam adam jaralanǵan. Oqıǵa ornynan qashqan bosqyndar sany 100 myń adamǵa deıin jetti, dep habarlaıdy RBK agenttigi.
Sonymen qatar, beıresmı málimetterge sáıkes qaza tapqandardyń sany áldeqaıda kóp, 700 adam.
Jaqynda Qyrǵyzstanda ultaralyq qaqtyǵystardyń qurbandaryna arnap qaraly kún jarııalanǵan bolatyn. El bıligi osy tártipsizdikterdiń artynda úshinshi taraptyń bar ekendigin alǵa tartady. Buǵan dálel, Qyrǵyzstanǵa shetten ákelinip jatqan qarý sanynyń kóptigi. Sonymen qatar Osh qalasyna kásibı mergenderdi qosqanda, basqa elderden jaldamaly adamdar kelgen.
BUU - da «úshinshi jaqtyń» bar degen pikirde.
