Qyrǵyzstandaǵy Sokýlýk aýdany turǵynynan bir tonnadan astam marıhýana tárkilendi
ASTANA. QazAqparat - Sokýlýk aýdanynyń 48 jastaǵy turǵynynan bir tonnadan astam marıhýana tárkilendi, dep habarlady KırTAG Qyrǵyzstannyń ІІM-ge silteme jasap.
Qyrǵyzstannyń ІІM esirtkiniń zańsyz aınalymymen kúres boıynsha bas basqarmasy qyzmetkerlerine esirtkiniń zańsyz aınalymyna Sokýlýk aýdanynyń 48 jastaǵy turǵynynyń qatysy bar ekeni týraly habar tústi. Jedel qyzmetkerler aqparatty tekserdi.
Mılıtsıonerler túngi ýaqytta kúdikti turatyn Chý oblysy Sokýlýk aýdany Komsomolskoe aýylynda jedel-izdestirý sharalaryn júrgizdi. Esirtkini kınolog qyzmettik ıttiń kómegimen tapty.
Úı aýlasyndaǵy qurylystardy tintý kezinde mılıtsıonerler 31 polıetılen qapshyq tapty. Sonymen qatar baqshada qarasora ósip turǵany anyqtaldy. Ósimdikti shapqannan keıin ornyń jalpy salmaǵy 1 tonna 170 kg. 776 gr. qurady.
Tergeý kezinde Sokýlýk aýdanynyń 48 jastaǵy turǵyny T.ıÝ. urlyq, buzaqylyq jáne esirtkini zańsyz saqtaý jáne paıdalanǵany úshin úsh márte sottalǵandyǵy belgili boldy.
Atalǵan qylmys úshin 5-ten 10 jylǵa deıin bostandyqtan aıyrý jazasy qarastyrylǵan.
