Qyrǵyzstandaǵy sheteldik kompanııalar «Google salyǵyn» tóleıtin boldy

BІShKEK. QazAqparat - Qyrǵyzstanda elektrondy qyzmet kórsetetin alǵashqy sheteldik Yandex Go, Megogo jáne Xsolla kompanııalary qosymsha qun salyǵyn (QQS) tóleıtin boldy. Bul týraly QazAqparat Qyrǵyzstan Respýblıkasy Qarjy mınıstrligi janyndaǵy Memlekettik salyq qyzmetine silteme jasap habarlaıdy.

Qyrǵyzstan Respýblıkasynyń Salyq kodeksine sáıkes, 2022 jyldyń 1 qańtarynan bastap qyzmetterdi elektrondy túrde satatyn barlyq sheteldik kompanııalar respýblıka bıýdjetine qosylǵan qun salyǵyn tóleýge mindetti. QQS mólsherlemesi kórsetilgen qyzmet kóleminiń 12%-yn quraıdy.

Vedomstvo vat.salyk.kg elektrondy servısin iske qosty. Bul servıs elektrondy qyzmet kórsetetin sheteldik uıymǵa QQS tóleýshi retinde qashyqtan tirkelýge, sáıkestendirilgen salyq nómirin alýǵa jáne jeke kabınetke kirýge múmkindik beredi.

«Google salyǵy» dep atalatyn tólemdi jetkizý orny eldiń aýmaǵy dep tanylǵan Qyrǵyz Respýblıkasynda tirkelgen domendik ataý nemese IP mekenjaıyn paıdalanbaı elektrondyq nysanda qyzmet kórsetetin sheteldik uıymdar tóleıdi.