Qyrǵyzstandaǵy saılaýda oppozıtsııalyq partııa alda keledi
ASTANA. Qazannyń 11-i. QazAqparat - Ótken demalysta ótken parlamenttik saılaýdyń qorytyndysy boıynsha Qyrǵyzstanda daýys berýshilerdiń ázirge 50,02 paıyzynyń daýystary sanalyp boldy.
Onyń qorytyndysy boıynsha 8,91 paıyz kórsetkishpen oppozıtsııalyq «Ata Jurt» partııasy alda keledi, dep habarlaıdy VVS-tiń Orys qyzmeti.
Ekinshi orynda - ýaqytsha úkimettiń burynǵy vıtse-premeri Almazbek Atambaev bastaǵan Qyrǵyzstannyń Sotsıal-demokratııalyq partııasy keledi, onyń kórsetkishi - 8,39 paıyz.
Úshinshi orynda - 6,94 paıyz kórsetkishpen Felıks Qulovtyń «Ar-Namys» partııasy, odan keıin - 6,85 paıyz daýyspen «Respýblıka» partııasy» jáne 6,08 paıyz daýyspen -«Ata Meken» partııasy keledi.
