Qyrǵyzstandaǵy prezıdenttik saılaýda kim jeńiske jetedi
BІShKEK. QazAqparat - Qyrǵyzstandaǵy prezıdenttik saılaýǵa deıin 5 kún qaldy. Saılaý aldyndaǵy úgit-nasıhat kezeńi aıasynda kandıdattar saılaýshylarmen kezdesý maqsatynda jáne ózderiniń baǵdarlamalaryn túsindirý turǵysynda eldiń barsha óńirlerin aralap keldi. Osy oraıda «QazAqparat» tilshisi tanymal saıasattanýshy Mars Sarıevpen kezdesip, saılaý naýqanyna baılanysty onyń pikirin bildi.
«Bastapqyda reıtıngte kandıdat Ómirbek Babanov eleýli túrde basymyraq boldy. Ol qomaqty qarjylyq resýrsty paıdalana otyryp, saılaý aldyndaǵy naýqandy belsendi túrde bastap ketti",- dep oıymen bólisti saıasattanýshy. "Keıinnen Sooronbaı Jeenbekov jaǵdaıdy túzetýge qaýqarly boldy, sondyqtan qazirgi kezde olar teńbe teń kele jatyr dep paıymdaımyn. Bizdiń eldiń ereksheligin eskersek, kún saıyn qandaı da bir ózgerister bolýy múmkin. Osy oraıda kandıdattardyń reıtıngi de qubylyp turady".
- Sońǵy ýaqytta ártúrli derektermen kóptegen reıtıngter paıda boldy. Bul rette solardyń qaısysyna senýge bolady?
- Osy máselede bedeldi táýelsiz reıtıng agenttikteriniń kórsetkishterine sener edim. Alaıda olar búginde bizdiń elde reıtıng jasamaı júr. Al qalǵan kórsetkishter qandaı málimetterge súıenip otyryp jasalǵanyn aıtý qıyn. Kóbinese reıtıngke kimder tapsyrys berse, solar kósh bastaıtyny belgili. Sondyqtan da bunda ı reıtıngter olardyń obektıvtiligine kúmánmen qaraýǵa ıtermeleıdi.
- Jalpy, qazirgi saılaý aldyndaǵy dodaǵa qandaı baǵa berer edińiz?
- Ótken telesaıysqa qarap otyrsaq, bizdiń alǵa jyljyp kele jatqanymyzdy baıqaýǵa bolady. Bul turǵyda árbir jańa saılaý saıyn demokratııalyq negiz arta túsedi dep senemin. Eń bastysy, qazirgi kezde aldaǵy 6 jylǵa qandaı prezıdenti qalaıtyndyǵyn tek halyq qana sheshýi tıis. Daýys berýge birneshe kún qalǵannyń ózinde de, jeńiske úmitkerlerdiń arasynda bireýine kepildi túrde jeńedi dep basymdyq berý múmkin emes.
