Qyrǵyzstandaǵy prezıdent saılaýynda terakt jasamaq bolǵan
ASTANA. QazAqparat - Qyrǵyzstanda ІІM jáne MUQK qyzmetkerleri halyqaralyq terrorıstik uıymnyń músheleri daıyndaǵan lańkestiktiń aldyn aldy.
Bul týraly Qyrǵyzstan Іshki ister mınıstrliginiń baspasóz qyzmeti málim etti, dep habarlaıdy Kabar.
Quqyq qorǵaý organdary tyıym salynǵan ekstremıstik uıymdardyń múshesi sanalatyn belgisiz adamdardyń quqyqqa qaıshy áreketterdi oılastyryp jatqany týraly aqparat alǵan. Kúdikti tulǵalar Qyrǵyzstan prezıdentiniń saılaýyn ótkizý jáne daıyndyq kezinde terrarıstik akti jasaý arqyly respýblıkadaǵy qoǵamdyq-saıası jaǵdaıdy kúrdelendirmek bolǵan.
Qyrǵyzstan ІІM jáne MUQK qyzmetkerleri sot sanktsııasynyń negizinde birlesken jedel-tergeý is-sharalaryn ótkizgen. Shý oblysy Toqmaq qalasynyń birneshe turǵynynyń úıinde tintý jumystary júrgizilip, kóp kólemdegi ekstremıstik baǵyttaǵy túrli ádebıetter tabylǵan. Sondaı-aq, zańsyz jarylǵysh zattardy saqtaý fakti anyqtaldy.
Quqyq qorǵaý organdary qylmys jasaǵan úsh kúdiktini qolǵa túisirdi. Ustalǵandardyń arasynda buryn adam óltirgeni úshin sottalǵan 1987 jylǵy K.S., 1985 jylǵy Toqmaq turǵyny men 1977 jylǵy Toqmaq turǵyny I.B. bar. Barlyq ustalǵandar ýaqytsha ustaý oqshaýlaǵyshyna qamaldy. Qajetti saraptama taǵaıyndaldy. Tergeý bastaldy.
