Qyrǵyzstandaǵy prezıdent saılaýynda 2,9 mln adam daýys bere alady
ASTANA. QazAqparat - Qyrǵyzstan Respýblıkasy memlekettik tirkeý qyzmeti «QR Prezıdentin jáne Jogorký Kenesh depýtattaryn saılaý týraly» konstıtýtsııalyq zańǵa sáıkes, ortalyq saılaý komıssııasyna alda ótetin Qyrǵyzstan Prezıdenti saılaýyna qatysatyn saılaýshylardyń aldyn ala tizimin ótkizdi, dep habarlaıdy "Kabar".
Memlekettik tirkeý qyzmetiniń málimetinshe, aldyn ala tizimge 18 jasqa tolǵan jáne bıometrlik tirkeýden ótken azamattardan turatyn 2 mln 914 myń 588 saılaýshy kiredi. 15 tamyzdan bastap saılaýshylardyń aldyn ala tizimderi tanysý úshin saılaý ýchaskelerinde jarııalanatyn bolady.
