Qyrǵyzstandaǵy Prezıdent saılaýy 30 qazanda ótetin boldy
BІShKEK. 2 shilde. QazAqparat /Erlik Erjanuly/ - Qyrǵyz Respýblıkasy Jogargý Keneshiniń 30 maýsymda ótken aqyrǵy sessııasynda Prezıdent saılaýynyń merzimi belgilendi.
Ony Kenesh tóraǵasy Ahmatbek Keldibekov keshe Bishkekte Qyrǵyzstan men Qazaqstan arasyndaǵy yntymaqtastyq qarym-qatynasqa arnalǵan arnaıy baspasóz máslıhatynda aıtty.
"Prezıdent saılaýyna qajetti barlyq zań jobalary jáne uıymdastyrý máseleleri zańdyq turǵydan sheshildi. Prezıdenttik qyzmet qazirgi tańda buǵan deıingideı onsha eleýli emes. Qyrǵyz Respýblıkasynyń Konstıtýtsııasy boıynsha biz Parlamenttik basqarýǵa kóshtik", - deıdi Ahmatbek Keldibekov. Onyń paıymdaýynsha, 30 qazandaǵy Prezıdent saılaýy tynysh jáne ashyq jaǵdaıda ótedi. Oǵan senim óte zor. Halyq úmitkerler arasynan laıyqty Prezıdentti ózi tańdaıtyn bolady.
