Qyrǵyzstandaǵy iri qoshqardy qazaq kásipkerleri 5 myń dollarǵa satyp aldy
ASTANA. QazAqparat - Qyrǵyzstanda sharýa qojalyǵynyń ıesi qazaq kásipkerlerine iri qoshqaryn 5 myń dollarǵa satty, dep habarlaıdy turmush.kg .
Shý oblysy Máskeý aýdany Aleksandrovka aýylynyń 56 jastaǵy turǵyny gıssar tuqymdy qoı ósirýmen aınalysady. Ol Korabl atty qoshqardy 5000 dollarǵa satqanyn aıtty. Muhamet usaq qara maldy rekordtyq baǵaǵa sattym dep sanaıdy. Gıssar tuqymdy qoıdy ósirýmen ol 18 jyldan beri aınalysyp keledi.
«Qojalyqta tek gıssar tuqymdy qoılar ǵana bar. 2000 jyly Tájikstanda boldym, sonda osy tuqymdy satyp aldym. Sodan beri ár eki jylda tuqymdy jaqsartý úshin qoshqarlardy jańartyp otyramyn. Qazir mende 30 bas qoı bar. Bir úlken qoshqardy sattym, oǵan Korabl degen esim de berdim.
Ol Qyrǵyzstanda ǵana emes, Qazaqstan aýmaǵynda da belgili. Jotasynyń bıiktigi 1 metr 8 sm, uzyndyǵy 1 metr 50 sm. Salmaǵy 190 keli. Ótken jyly qazaq kásipkerlerine 5 000 dollarǵa satqanmyn. Korabldiń jasy 7-de. Aldaǵy ýaqytta Korabl sııaqty jaqsy tuqym alǵym keledi», - dedi fermer.
Aıta keterligi, Muhamet gıssar tuqymyn basqa tuqymdarmen býdandastyrýmen de aınalysady.
