Qyrǵyzstandaǵy general tizgindegen kólik jol apatyna uryndy
ASTANA. QazAqparat - Qyrǵyzstanda Bishkek-Torýgart tas jolynyń 40-shaqyrymynda aınalma jolda kólik apaty bolyp, eki adam qaza tapty, dep habarlaıdy 24.kg .
Patrýldik mılıtsııanyń málimetterine súıensek, jolda eki kólik - «Toıota Lend Krýzer» jáne «Mazda» soqtyǵysqan. «Mazdadaǵy» eki adam qaza bolǵan. Taǵy da bes adam zardap shekken. Bireýiniń jaǵdaıy aýyr dep habarlanýda.
«Toıota Lend Krýzerdi» basqaryp kele jatqan Ulttyq gvardııanyń burynǵy qolbasshysy, general-polkovnık Ábdiǵul Shotbaev aýrýhanaǵa jetkizilgen.
Patrýldik mılıtsııanyń bastapqy málimetteri boıynsha, jol-kólik oqıǵasyna sebepshi «Mazda» bolǵan, ol joldyń qarsy betine shyǵyp ketken.
Qazir jol apatyna qatysty tergeý amaldary júrgizilýde.
