Qyrǵyzstandaǵy etnıkalyq qazaqtarǵa bilim granty bólinedi

NUR-SULTAN. QazAqparat – Qyrǵyzstandaǵy etnıkalyq qazaqtarǵa 20 grant bólinedi. Bul týraly QR Bilim jáne ǵylym mınıstri Ashat Aımaǵambetov telegram kanalynda jazdy.

«Prezıdent Qasym-Jomart Toqaev Qyrǵyzstanǵa resmı sapary aıasynda eki el arasynda bilim berý salasyndaǵy yntymaqtastyq týraly úkimetaralyq kelisimge qol qoıyldy. Bul qujat Qazaqstan Qyrǵyzstan azamaty bolyp sanalatyn etnıkalyq qazaqtarǵa 20 grant jáne Qyrǵyzstannyń basqa azamattaryna 30 grant bólýdi kózdeıdi. Osyǵan deıin Prezıdenttiń Túrkııaǵa memlekettik sapary barysynda bilim berý salasyndaǵy yntymaqtastyq týraly úkimetaralyq kelisimge qol qoıylǵan bolatyn. Sonymen qatar qazirgi ýaqytta biz birqatar basqa elmen kelisimderge kelý jáne bilim berý salasynda ózara is-qımyl jasaý jóninde kelissózder júrgizip jatyrmyz», - dedi mınıstr.

Buǵan deıin habarlaǵanymyzdaı, Qasym-Jomart Toqaev resmı saparmen Qyrǵyzstanǵa bardy.

Qyrǵyzstan Prezıdenti «Aq keme» mármár shatyrynda Qasym-Jomart Toqaevty resmı qarsy aldy.

Qazaqstan Prezıdentiniń Qyrǵyzstanǵa sapary barysynda birqatar qujatqa qol qoıyldy.