Qyrǵyzstandaǵy eń uzyn adamǵa ómir boıyna járdemaqy taǵaıyndaldy
ASTANA. QazAqparat - Qyrǵyzstandaǵy eń uzyn adam -Jenıshbek Raıymbaevqa emdelý úshin bir jolǵy materıaldyq kómek kórsetildi. Sonymen qatar oǵan ómiriniń sońyna deıin járdemaqy tólenetin boldy.
Bul týraly KırTAG Qyrǵyzstan prezıdentiniń baspasóz qyzmetine silteme jasap habarlady.
Búgin, 2015 jyly 28 mamyrda Qyrǵyzstan Respýblıkasynyń prezıdenti Almazbek Atambaev jarlyqqa qol qoıǵany týraly habarlandy. Oǵan sáıkes Jenıshbek Raıymbaevqa 2015 jyldyń 1 mamyrynan bastap qosymsha áleýmettik qoldaý kórsetý maqsatynda ómiriniń sońyna deıin 10 myń som kóleminde aı saıyn Qyrǵyzstan Respýblıkasy prezıdentiniń járdemaqysy tólenedi.
Sonymen qatar ony emdeý úshin materıaldyq kómek kórsetý aıasynda memleket basshysynyń ókimimen prezıdenttik áleýmettik qorǵaý jáne qoldaý qorynan 100 myń som bólindi.
