Qyrǵyzstandaǵy Boom shatqalynda taǵy da sel júrdi
BІShKEK. KABAR-QazAqparat – Boom shatqalyndaǵy Bishkek-Naryn-Torýgart avtojolynyń 136-shaqyrymynda saǵat 16:30-da kólemi shamamen 600 tekshe metr bolatyn taǵy da sel júrdi, dep habarlaıdy QazAqparat Kabar agenttigine silteme jasap.
Qyrǵyz Respýblıkasy Kólik jáne kommýnıkatsııa mınıstrliginiń málimetinshe, aldymen joldyń eki baǵytynda da kólik qozǵalysy tolyǵymen toqtatyldy. Saǵat 17:10-nan bastap kólik qozǵalysy úshin Bishkek baǵytyndaǵy jol ashyldy.
«Qazirgi ýaqytta sel tasqyny saldaryn joıý úshin oqıǵa ornyna bir júk tıegish bardy», - delingen habarlamada.
30 shildede Shý oblysynyń Kemın aýdanynda Bishkek-Naryn-Torýgart tas jolynda sel júrgen bolatyn. Sol kezde sel temirjoldy shaıyp ketip, Bishkek-Balyqshy temirjol qatynasy toqtatylǵan edi.
Foto: kabar.kg
