Qyrǵyzstandaǵy ahýal memlekettik bıliktiń dármensizdiginiń kórinisi - Bolat Sultanov
Y. Sáýirdiń 16-sy. QazAqparat /Erlik Erjanuly/ - Barlyq revolıýtsııa men tóńkeristerden keıin jańa bılik qurylǵansha qara tesik qalyptasady. Bul búgin Almatyda ótip jatqan "Qyrǵyzstandaǵy tóńkeris: sebepter men saldarlar" degen dóńgelek ústel jıynynda aıtyldy,
dep habarlaıdy QazAqparat.
"Revolıýtsııa men tóńkeristerden keıin burynǵy memlekettik bılik joıylyp, jańa bılik qurylǵanǵa deıingi aralyqta qalyptasatyn qara tesik kolonııadan shyqqandar men túrmedem qashqan qaýipti elementer úshin qolaıly jaǵdaı jasaıdy. Bul qara tesik memlekettik bıliktiń dármensizdigi, anarhııa. Men Qyrǵyzstandaǵy tóńkerisshilerden 2 topty kórdim", deıdi Qazaqstannyń strategııalyq zertteýler ınstıtýtynyń dırektory Bolat Sultanov. Saıasattanýshynyń aıtýynsha, birinshisi jumyssyzdyqtan, ashtyqtan ashynǵan top. Al ekinshisi, betperda taǵyp Kalashnıkov avtomatymen qarýlanǵan top. Beınematerıaldardy kórgen kezde olardyń óz áreketterin kásibı túrde júzege asyryp júrgenin ańǵarýǵa bolady.
