Qyrǵyzstanda jyl saıyn 11-12 úshem dúnıege keledi
BІShKEK. QazAqparat - Jyl saıyn Qyrǵyzstanda ortasha eseptegende 12 úshem, bir tórtem dúnıege keledi. Bul týraly respýblıkalyq medıtsınalyq-aqparattyq ortalyq dırektory Larısa Myrzakárimova habarlady.
«Qyrǵyzstanda ortasha jylyna 11-12 úshem dúnıe esigin ashady, mysaly, 2013 jyly 12, 2014 jyly da sonsha úshem ómirge kelgen. Tórtem jylyna bir ret oryn alýda, ótken jyly da, bıyl da bir tórtem dúnıege keldi», - dep habarlady L. Myrzakárimova.
Onyń aıtýynsha, egizder Qyrǵyzstanda kóbirek týylady, 2013 jyly olardyń sany 1111 bolsa, 2014 jyly 1466-ǵa jetken.
Jańa týylǵan nárestelerge saıasatkerlerdiń esimin berý dástúrge aınalǵan. Ystyqkól oblysynda 2011 jyly týylǵan úsh egizge Ómirbek, Roza, Almazbek esimderi berilgen.
Qyrǵyzstanda birinshi tórtem bıyl 9 sáýirde Nurlan Zarnaev pen Gúlaıym Abdyldaevtyń otbasynda dúnıege keldi. Olarǵa belgili tulǵalar Almazbek, Asylbek, Qýanychbek, Qamchybek esimderi berildi.
