Qyrǵyzstanda jyl basynan beri 16 ret jer silkindi
ASTANA. QazAqparat - Qyrǵyzstanda jyl basynan beri 16 ret jer silkinisi tirkelgen. Bul týraly jumada QR Ulttyq ǵylym akademııasynyń seısmologııa ınstıtýty málim etti, dep habarlady KırTag.
«Qyrǵyzstanda 2015 jyldyń basynan bastap 16 jer silkinisi tirkeldi, onyń 9-y qańtarda oryn aldy», - dep habarlady ınstıtýttan.
Eki aıdyń ishindegi eń kúshti jer silkinisi 22 aqpanda tirkelgen. Zilzala oshaǵy Bishkekten ońtústik-shyǵysqa qaraı 27 shaqyrymda ornalasqan.
Sondaı-aq jyl basynan bastap respýblıka boıynsha kúshi 4 baldan asatyn bes jer silkinisi oryn alǵan.
