Qyrǵyzstanda júıke aýrýlary aýrýhanasynda búlik shyqty
BІShKEK. QazAqparat - Jalal-Abad oblysy Qyzyl-Jar aýylynyń júıke aýrýlary aýrýhanasyndaǵy tártipsizdik saldarynan toǵyz adam zardap shekti.
Qyrǵyzstan Respýblıkasy ІІM baspasóz qyzmetiniń habarlaýynsha, dúısenbi kúni aýrýhananyń birneshe emdelýshileri tergeý jumystaryn júrgizýge kelgen mılıtsııa qyzmetkerlerine belsendi qarsylyq kórsetken.
Odan ári búlik shyǵarǵan emdelýshiler medıtsına qyzmetkerlerin kepilge alǵan. Tergeý tobyna qosymsha kúsh shaqyrtýǵa týra keldi. Qosymsha toptyń kómegimen ǵana ІІM qyzmetkerleri kepilge alynǵandardy bosatyp, tártipsizdikti toqtata aldy. Barlyǵy arnaıy toptyń alty qyzmetkeri men tórt medıtsına qyzmetkeri zardap shekti. Qyrǵyzstan Respýblıkasy Densaýlyq mınıstrligi eki adamdy aýrýhanaǵa jatqyzdy dep habarlady, onyń birinde synyq jaraqattary bolsa, ekinshisiniń bas súıegi zaqymdanǵan.
Atalǵan faktige baılanysty QR QK-nyń úsh baby: «bılik ókiline qarsy kúsh qoldaný», «tergeý óndirisine kedergi keltirý» jáne «buzaqylyq» boıynsha qylmystyq is qozǵaldy. Іzdestirý nátıjesinde mılıtsııa qyzmetkerleri aýrýhanadan esirtki men basqa da tyıym salynǵan zattar tapty.
Budan buryn QazAqparat habarlaǵandaı, 9 aqpanda Qyrǵyz eliniń Boomsk shatqalynda jol patrýline qarýly shabýyl jasalǵan bolatyn, nátıjesinde ІІD jol patrýliniń qyzmetkeri qaza tapqan. Quqyq qorǵaý organdary ol atalǵan aýrýhanada em alǵan Zaýr Magomedov ekenin anyqtap, keıinnen ony quryqtaǵan bolatyn.
