Qyrǵyzstanda jol kólik apatynan 8 adam qaza tapty
ASTANA. QazAqparat - Bishkek-Osh avtojolynda bolǵan jol apatynda 8 adam qaza taýyp, 3 adam aýyr jaraqat aldy, dep habarlaıdy kabar.kg .
Qyrǵyzstan TJM baspasóz qyzmetiniń habarlaýynsha, jol kóligi apaty búgin tańerteń saǵat 6.00-de (Bishkek ýaqytymen) Tash-Qumyr qalasy aýdanyndaǵy Bishkek-Osh avtojolynyń 460-ynshy kılometrinde bolǵan. Jol apaty barysynda úsh kólik - ishinde eki adamy bar MAN júk mashınasy, 6 jolaýshysy bar «Honda Odısseı» jáne 9 adamy bar «Honda Stepvagon» bir-birine soǵylǵan. Habarlamada kórsetilgendeı, jol apaty saldarynan segiz adam - «Honda Stepvagon» kóligindegi barlyq jolaýshy - 4 er adam, 3 áıel jáne 5 jastaǵy qyz bala oqıǵa ornynda kóz jumǵan.
