Qyrǵyzstanda jer silkinisinen zardap shekken aýyldarda shatyrdan jasalǵan mektepter ashylady
ASTANA. QazAqparat - 10 mamyrda jer sikinisinen zardap shekken Osh oblysy Chon-Alaı aýdany aýyldarynda shatyrdan jasalǵan mektepter ashylady, dep habarlady Kabar.kg Qyrǵyz Respýblıkasy Bilim mınıstrligi baspasóz qyzmetine silteme jasap.
Onyń aqparatyna sáıkes Qyrǵyz Respýblıkasy bilim jáne ǵylym mınıstri Gúlmıra Qudaıberdıeva zardap shekken Qara-Teııt, Qara-Myk, Jekendı jáne Shıbee aýyldaryna bardy. Vedomstvo basshysy aýyldardaǵy mektep ujymdarymen kezdesti. TJM jáne Memqurylys ókilderimen birlesip, mektep ǵımarattaryn tekserdi.
Sonymen TJM derekteri boıysha úsh mektep apatty dep tanyldy. Úsh mektep aýmaǵynda shatyr qurylyp, 10 mamyr sabaqty jalǵastyratyn boldy. Jańa oqý jylyna deıin Shıbee aýylynda jańa mektep salynsa, qalǵan eki mektep kúrdeli jóndeletin boldy.
Mınıstr ótken apta kóshkin júrgen Úzgen aýdanynda da boldy. Mektep qaýipti aımaqta ornalasqandyqtan, oqýshylardy kórshi mektepterge bólý sheshimi qabyldandy.
Vedomstvo basshysy oqytýshy quramǵa bilim alý úrdisin úzbeı jalǵastyrý úshin barlyq qajetti kómek kórsetetinin habarlady.
