Qyrǵyzstanda jer silkinisi saldarynan tórt myńǵa jýyq ǵımarat búlingen
ASTANA. QazAqparat - Osh oblysynda seısenbiden beri jalǵasyp kele jatqan terbelisi 6-ǵa jetetin jerasty dúmpýleri saldarynan 4 myńnan astam úı men áleýmettik nysan búlingen. Bul týraly jeksenbi kúni respýblıka parlamentine silteme jasap RIA Novostı habarlap otyr.
Seısenbi jáne sársenbi kúni Qyrǵyzstanda qýattylyǵy 7 balǵa deıin jetken birneshe jer silkinisi boldy. Qaza tapqandar men zardap shekkender joq. Jer silkinisiniń oshaǵy eldiń ońtústiginde, Osh oblysynyń Qarasý aýdanynda ornalasqan. El bıliginiń málimetterinshe, tabıǵı zilzala saldarynan 200-den astam úı apattyq jaǵdaıda bolyp, 50-den astam áleýmettik nysan túrli búlinýlerge ushyrady Juma jáne senbi kúnderi taǵy tórt jerasty dúmpýi boldy, olardyń magnıtýdasy 5,1-ge jetken. Qyrǵyzstannyń eldi mekenderinde jerasty dúmpýleriniń kúshi 5 balǵa deıin jetken. Osy ýaqyt aralyǵynda Qyrǵyzstanda 7 kúshti jer silkisini bolǵan.
«Jogorký Kenesh tóraǵasy Asylbek Jeenbekovtiń tapsyrmasymen, 21 qarasha kúni depýtattar toby jer silkisininen zardap shekken Osh oblysynyń aýdandaryna baryp, onda qalyptasqan jaǵdaımen, kórsetilip otyrǵan kómekpen tanysyp ótti. Úkimettiń Osh oblysyndaǵy ókiletti ókiliniń birinshi orynbasary Baıysh ıÝsýpovtiń aqparaty boıynsha jer silkinisi saldarynan 4 myńnan astam ǵımarat búlingen», - dep habarlady agenttiktiń suhbattasýshysy.
El bıliginiń málimetterinshe, birinshi 7 baldyq silkiný kezinde kóptegen úılerde jaryqtar paıda bolǵan. Olar odan keıin bolǵan dúmpýlerden keıin ulǵaıǵan.
TJM jelisi boıynsha zardap shekken aýdandarda on jáne otyz oryndyq 300 qysqy shatyr ornatylyp, 130 jylytqysh qoıylǵan, jylytylǵan konteınerler men kıiz úıler ornatylyp, kórpeler men azyq-túlikter berilip jatyr. Panasyz qalǵandardy ornalastyrý úshin taǵy kem degende 500 jylytylǵan konteıner qajet, dep atap ótti baspasóz qyzmetinen.
