Qyrǵyzstanda jelsheshek aýrýyn juqtyrýshylar sany artqan

BІShKEK. QazAqparat – Qyrǵyz Respýblıkasynda jyl bastalǵaly jelsheshek aýrýynyń ósimi baıqalyp otyr. Bul týraly Qyrǵyzstannyń Densaýlyq saqtaý mınıstrligi Aýrýdyń aldyn alý jáne memlekettik sanepıdemııalyq qadaǵalaý departamenti málim etti, dep habarlaıdy QazAqparat menshikti tilshisi.

Vedomstvonyń málimetinshe, 2022 jyldyń 1 qańtarynan bastap 1 maýsymǵa deıin 9 205 jelsheshek aýrýyn juqtyrý jaǵdaıy tirkelgen. Ótken jyldyń uqsas kezeńinde olardyń sany 1 364 bolǵan edi. Aýrý juqtyrýshylardyń sany edáýir artqan.

14 jasqa deıingi 7 763 bala men 1 442 eresek adam jelsheshek aýrýyn juqtyrǵan. Bıylǵy jyldyń 5 aıynda 369 adam aýrýhanaǵa jatqyzylǵan, al 2021 jyly 93 adam bolǵan edi.

Aýrýdyń ósimi negizinen jabyq úı-jaılarda jaqyn baılanysta bolǵandyqtan, mektepke deıingi jáne mektep jasyndaǵy balalar arasynda uıymdastyrylǵan ujymdarda baıqalady.